Промышленносты æмæ ерысхъом гæнæнтæ уæлдæр кæныны райрæзты программæмæ гæсгæ республикæ райста 100 милуан сомы
Цæгат Ирыстон ис, чысыл æмæ астæуккаг бизнесы чи архайы, уыцы адæмы нымæц кæм рæзы, ахæм регионты хыгъды. Уый тыххæй йæ ныстуаны фехъусын кодта республикæйы сæргълæууæг Сергей Меняйло. Промышленносты æмæ ерысхъом гæнæнтæ уæлдæр кæныны райрæзты программæмæ гæсгæ республикæ райста 100 милуан сомы. Цæгат Ирыстон дæр уыцы нысантæн радих кодта 50 милуан сомы. Конкурсон къамис хорзыл банымадта 9 курдиаты. Сæ хыгъды, нæ дарддæры æрмæджы цы куыстуæтты архайды тыххæй радзурдзыстæм, уыдон дæр.
Сæйрагдæр у, продукцийы бæрц нæ, фæлæ йæ хæрзхъæддзинад. Хи æмæ бирæфатерон хæдзæрттæ, социалон нысаниуæг кæмæн ис, ахæм бæстыхæйттæ. Ацы куыстуаты продукцийæ парахатæй пайда кæнынц. Ассортимент рæзы. Алцыдæр та кæддæр райдыдта иу линийæ. Ныр сты æртæ. Алкæцыдæр – продукцийы бæлвырд хуыз цæттæ кæнынæн – хуымæтæг бордюртæй къултыл кæнгæ панельты онг. Хи хъуыддаг рæзын кæнын æнцон нæу, зæгъынц амалхъом адæм. Фæкæсынмæ æрбацæуы паддзахад. Фыццаг æххуыс завод райста 2019-æм азы.
Хъæугæ кусæнгæрзтæ паддзахадон æххуысы фæрæзты фæрцы иу куыстуат нæ райста. Гранитон къæйдуртæ цæттæгæнæн организацийы пайда кæнынц нырыккондæр станокæй. Уый дæтты, дур фидардæр кæныны фадат. Лыггонд плитайыл фазтæ куы уа, уæд сыл æркалынц сæрмагонд æрмæг.
Ацы системæйы фæзындимæ гæнæнтæ фæуæрæхдæр сты. Кæд раздæр иу рад цæттæ кодта 50 дуры, уæд ныр фæфылдæр сты 100 онг. Æмæ завод æрмæст уымæй сæрыстыр нæу. Ам кусæнгæрзтæн сæ фылдæр сты нырыккон. Ивгъуыд азы кæрон организаци дæр бацархайдта куыстуаты модернизацийы æмæ ног ифтонггæрзтæ æлхæныны программæйы.
Программæ гæсгæ, промышленнон куыстуæттæн, ног ифтонггæрзтæ æлхæнгæйæ, хæрдзты хай баххæст кæны паддзахад. Ахæм æххуыс райсыны размæ уал хъæуы конкурсон æвзæрст ацæуын.
20 апрелы райдыдта программæйы архайынмæ документтæ исыны дыккаг къæпхæн. Ахæсдзæн 20-æм маймæ.
