Республикæйы Сæргълæууæг куыд загъта, афтæмæй республикæйы скъолатæй бындурон цалцæг кæм цæуы, уыцы объекттæ бæрæг кæндзæн æнæ рагагъоммæ фехъусын кæнгæйæ
Сергей Меняйло куыд загъта, афтæмæй республикæйы скъолатæй бындурон цалцæг кæм цæуы, уыцы объекттæ бæрæг кæндзæн æнæ рагагъоммæ фехъусын кæнгæйæ. Республикæйы Сæргълæууæг фембæлд, паддзахадон контракттæ кæимæ фыст æрцыди, уыцы организациты разамонджытимæ. Арæзтады æмæ архитектурæйы министр Моргуаты Константин куыд фæнысан кодта, афтæмæй куыстытæ цæуынц фæткмæ гæсгæ. Хъуамæ фæуой ахуыры азы райдианмæ. Сергей Меняйло специалисттæм фæсидт, цæмæй архайой, куыд гæнæн ис, афтæ рæвдздæр, уыимæ, алцыдæр хъуамæ конд уа хæрзхъæд æмæ æнæаиппæй. 2022-æм азæй нырмæ кæй сног кодтой, уыцы скъолаты нымæц хæццæ кæны 66-ы онг. Ацы хъуыддæгтæн федералон бюджетæй радих кодтой 3 миллиарды æмæ рдæг. Уымæй уæлдай, республикæ курдиат балæвæрдта хæстæгдæр дыууæ азы программæйы архайынмæ. Нысанмæ гæсгæ ма хъуамæ цалцæггонд æрцæуой ноджыдæр 70 скъолайы, уыцы куыстытæн та хъæуы 4 миллиарды æмæ рдæг. Абоны онг бадзырдтæ фыст æрцыди 20 ахуыргæнæндонимæ. Уымæй уæлдай, республикæйы куыст цæуы сывæллæтты рæвдауæндæтты программæйыл. Базилинаг сты 60 рæвдауæндоны. Уыдонæй 33 -йæн ныридæгæн бацæттæ кодтой хъæугæ проектон-сметон документаци.
