Сæрмагонд къамисы уæнгтæ хъыгдардбаййафæг хæдзæрттыл зилынц æмæ нымайынц, цы зиан хаст æрцыд, уый
Дзæуджыхъæуы æмæ Горæтгæрон районы дарддæр иуварс кæнынц æрдзон фыдбылызы фæстиуджытæ. Сæрмагонд къамисы уæнгтæ хъыгдардбаййафæг хæдзæрттыл зилынц æмæ нымайынц, цы зиан хаст æрцыд, уый. Поселок Южныйы цæрджытæн æфснайынмæ æххуыс кæнынц волонтертæ. Бæлвырддæр хабæрттæ радзурдзæн Хъайтмазты Дзерассæ.
Сæдæгай волонтертæ Цæгат Ирыстоны алы районтæй сæмбырд сты, цæмæй поселок Южныйы цæрджытæн баххуыс кæной уынгтæ чъизитæй, дуртæй, ламийæ æмæ бырæттæй ссыгъдæг кæнын. Бархион æххуысгæнджыты хсæн æхсæнадон организаци «Ирон фæсивæд»-ы разамонæг Багаты Эрик. Уый æмæ ма организацийы 30 минæвары поселочы цалдæр боны фæллой кæнынц. Куыст бирæ. Эрик куыд зæгъы, афтæмæй куы базыдта, æрдзон фыдбылызы фæстиуджыты тыххæй, уæд йæ бон иуварс баззайын нæ бацис.
Багаты Эрик – Æхсæнадон организаци «Ирон фæсивæд»-ы разамонæг: “Безусловно, важно в такой момент объединяться, потому что именно такие моменты показывают сплочæнность нашего народа. А как все уже знают, Осетия, это такой народ, как только касается беда, то народ сразу объединяется, сплачивается. И не оставляет в стороне того, кто попал в беду”.
Æрдзон фыдбылызы тыхджындæр цæф æрцыдис Курганныйы, Дачныйы æмæ Длинно-Долинскийы уынгтыл. Волонтерты æххуысæй ссыгъдæг кодтой Курганныйы уынг. Æфснайынц хи хæдзæртты кæртытæ æмæ пъадвалтæ. Ам кусы техникæйы 19 иуæджы æмæ сæдæгай адæймаджы. Дзæуджыхъæуы администрацийы сæргълæууæг Милдзыхты Вячеслав куыд загъта, афтæмæй техникæйæ цух не ййафынц.
Милдзыхты Вячеслав – Дзæуджыхъæуы администрацийы сæргълæууæг: “Работы будут продолжаться, лишь бы нам погода не помешала. Мы уберем и подсушим все улицы, у нас пройдут поливомоечные машины. Я думаю, в течение трех дней мы приведæм в порядок и начнем заниматься благоустройством”.
Ныртæккæ нымайынц, цы зиан хаст æрцыд, уый. Поселок Южныйы кусы сæрмагонд къамис – 80 адæймаджы. Специалисттæ зилынц хæдзæрттыл æмæ сын сæ уавæрæн аргъ кæнынц. Æркасты фæстæ сбæрæг, хæдзæрттæ цы зæххыл лæууынц, уый бындурон арæзтадæн нæ бæззы. Фидæны ам хъæудзæн сæвæрын быцæугæнæн къул. Уый ахæм уавæрты хæдзæрттæ хъахъæндзæн ламидæттæй. Уый тыххæй загъта Милдзыхты Вячеслав.
Милдзыхты Вячеслав – Дзæуджыхъæуы администрацийы сæргълæууæг: “Эта территория, ее не давали под строительство капитальных домов. Но вы знаете наших людей, здесь по большому счету были только огороды и садоводческое товарищество. Но люди построили дома, узаконили эти дома и вы понимаете, что случилось. Мы обследовали, верхнюю часть улицы Курганной. И пришли к выводу, что необходимо ставить подпорную стену длинной 50 метров”.
Коммуналон службæтæ фесты Шмулевичы æмæ Магкайы-фырты уынгты тыгъыл фæндаг сыгъдæг кæнын. Бавнæлдтой хи хæдзæртты секторы кусынмæ. Иуæй-иу хæдзæрттæм бахауæн нæ уыд, ныр сæм бацæуæнтæ суæгъд кодтой, ссыгъдæг кодтой кæртытæ æмæ пъадвалтæ.
Станислав Зипунников – Куыстуат «Спецэкосервис»-ы директоры хæстæ æххæстгæнæг: “Работы будут продолжаться до полного выполнения работ, до полной очистки города, от этих иловых наносов. То есть какое-то конкретное время, я сказать не могу, до окончания работ. Сколько понадобится времени, столько это и будет происходить”.
Цас хъæудзæн, уыйбæрц рæстæг цæттæ сты æххуыс кæнынмæ волонтертæ дæр. Уыимæ та Цæгат Ирыстоны абоны онг архайы уад дымынæй рагфæдзæхст.
