22 июня 2023, 11:22
Цæгат Кавказы суворовон æфсæддон училищæйы сарæзтой кадджын мадзал рауагъдонтæн
Ацы аз ахуыргæнæндон каст фесты 32 адæймаджы
Цæгат Кавказы суворовон æфсæддон училищæйы сарæзтой кадджын мадзал рауагъдонтæн. Ацы аз ахуыргæнæндон каст фесты 32 адæймаджы. Уыдонæй 9 райстой сыгъзæрин майдантæ, дæсæй сты спорты мастертæм кандидаттæ, цыппæрдæсмæ та ис фæллоймæ æмæ хъахъхъæнынадмæ цæттæдзинады сыгъзæрин нысантæ. Кадджын мадзалы ма рауагъдонтæн радтой аттестаттæ, кады гæххæттытæ æмæ риуылдаргæ нысантæ. Ахуыры рæстæг лæппутæ æрмæст æфсæддон цæттæдзинады зонындзинæдтæ нæ райстой, фæлæ ма царды чи бахъæудзæн, ахæм фæлтæрддзинад дæр.
темæмæ гæсгæ
