36 уаццаджы ацы аз сцалцæг кæндзысты, Федералон программæ «Æдас æмæ хæрзхъæд фæндæгтæ», стæй муниципалон программæ «Дзæуджыхъæуы транспортон инфраструктурæйы рæзт» æххæст кæнгæйæ
Дзæуджыхъæуы дарддæр цæуы фæндæгты цалцæг. 36 уаццаджы ацы аз сцалцæг кæндзысты, Федералон программæ «Æдас æмæ хæрзхъæд фæндæгтæ», стæй муниципалон программæ «Дзæуджыхъæуы транспортон инфраструктурæйы рæзт» æххæст кæнгæйæ. Магкаты Зурабы уынджы ныридæгæн конд æрцыдысты æппæт цæттæгæнæн куыстытæ, сæвæрдтой дзы бордюртæ. Ныртæккæ та специалисттæ асфальт æвæрынц къахвæндæгтыл æмæ хæдзæртты раз территориты. Цалцæггонд фæндаджы дæргъ у 5 мин метры онг. Ставропольскийы уынджы ныртæккæ ныккалдтой хуыр, цæмæй йæ фæстæдæр бамбæрзой асфальтæй. Фæндаггон специалисттæ сæвæрдтой бордюртæ. Æдæппæтæй сцалцæг кæндзысты фæндаджы 830 метры уаццаг.
