Паддзахадон программæ æххæст кæныны тыххæй Парламенты Советы радзырдта экономикон райрæзты министр Кучиты Зауыр
113 милуан сомæй фылдæр иннæ аз радих кæндзысты чысыл æмæ астæуккаг амалхъомдзинадæн æххуысæн. Паддзахадон программæ æххæст кæныны тыххæй Парламенты Советы радзырдта экономикон райрæзты министр Кучиты Зауыр. Программæ архайы 2020-æм азæй фæстæмæ. Уыцы рæстæгмæ йын радих кодтой 1 миллиард 500 милуан сомæй фылдæр. Фæрæзтæ схардз кодтой амалхъом адæмæн алывæрсыг æххуыс кæнын, сæ хыгъды финансон, консультацион æмæ организацион. Республикон бюджеты фæрæзтæ профилон паддзахадон программæ æххæстгæнгæйæ закъонмæ гæсгæ куыд хардзгонд цæуынц, уый бæлвырд кæныны мадзæлтты хатдзæгты тыххæй, радзырдта контролон-нымайæн палатæйы аудитор Айларты Алан. Сæрмагондæй ныхас цыд 2021-æм-22-æм азты мыхуыры æмæ дзыллон информацийы хъуыддæгты фæдыл комитетæн цы фæрæзтæ радих кодтой, уыдоныл. Айларты Алан куыд загъта, афтæмæй комитеты æмæ йæ бæрны цы кусæнуаттæ ис, уыдонæй цалдæры архайды ис закъонхæлдтытæ. Профилон парламентон комитеты сæрдар Елена Князева загъта, уыцы азты программæ æххæст кæнынæн нысангонд фæрæзтæй чысыл къаддæр кæй радих кодтой, уымæ гæсгæ цавæрдæр бæрæггæнæнтæ сæххæст кæнын нæ бантыст. Йæ ныхæстæм гæсгæ, æмбæлгæ мадзæлттæ арæзт æрцыд æмæ закъонхæлдтытæ аиуварс кодтой.
