Уый тыххæй æрвылкъуырион аппаратон æмбырды фехъусын кодта Дзæуджыхъæуы администрацийы сæргълæууæг Милдзыхты Вячеслав
Къесайы фырты уынджы доны былгæрон фæлладуадзæн бынаты рацарæзт кæронмæ фæуыдзæн горæты бонмæ. Уый тыххæй æрвылкъуырион аппаратон æмбырды фехъусын кодта Дзæуджыхъæуы администрацийы сæргълæууæг Милдзыхты Вячеслав. Ныхас цыди газификацийы программæйыл дæр. Сергей Меняйло бадомдта, хæххон районты куыстытæ фæтагъддæр кæнын. Вице-премьер Тугъанаты Ларисæ радзырдта æппæтадæмон культурон-патриотон Центр «Беслæн. 1-æм скъола»-йы экспозици цæттæ кæныны мадзæлтты тыххæй. Куыстытæ хъуамæ кæронмæ ахæццæ кæной дыууæ мæйы æмгъуыдмæ. Ныры онг уал сæмбырд кодтой Цæгат Ирыстоны территорийы цы теракттæ уыди, уыдонимæ баст 500 хуызисты. Республикæйы Сæргълæууæг куыд фæнысан кодта, афтæмæй экспозицийы бындуры сты 2004-æм азы цаутæ. Экспози саразынмæ раздæхтой Мæскуыйы Уæлахизы Музейы кусджыты æргом дæр. Æмбырды ма æрдзырдтой скъолаты æдасдзинадыл. Ахуыргæнæндæтты æдасдзинад бæрæг кæнынц дзуаппдæттæг ведомствæтæ. Нырмæ уал 60 скъолайы рабæрæг кодтой 786 закъонхæлды. Бирæтæ дзы ныридæгæн иуварсгонд æрцыдысты.
