Баст уыд, Цæгат Ирыстоны национ музейы равзæрдыл 130 азы кæй сæххæст, уыимæ
«Аргъ кæмæн нæй, ахæм историон бынтæ». Ахæм сæргондимæ Дзæуджыхъæуы байгом равдыст. Баст уыд, Цæгат Ирыстоны национ музейы равзæрдыл 130 азы кæй сæххæст, уыимæ. 1893-æм азы, мартъийы, музейы равзæрды тыххæй Теркаг облæсты бафыстой указ. Фыццаг экспозици та дзы байгом кодтой 1897-æм азы. Æмæ абоны онг музейы экспонаттæ хъæздыгæй – хъæздыгдæр кæнынц æмбал кæмæн нæй, ахæм æрмæджытæй. Хуызистыты равдыст фенынмæ æрбацыдысты республикæйы Парламенты Сæрдар Тъускаты Таймураз, Дзæуджыхъæуы сæргълæууæг Александр Пациорин, экономикон райрæзты министр Кучиты Зауыр, ахуырады æмæ наукæйы министр Алыбекты Эллæ, стæй Уæрæсейы алы регионтæй уацхæсджытæ. Уымæй уæлдай уазджытæ архайдтой, юбилейон боны фæдыл цы конференци сарæзтой, уым дæр.
