Ацæудзæн «Скъолайы агъоммæйы кары сывæллæтты мадæлон æвзагмæ разæнгард кæнынæн хуыздæр мадзæлтты» номинаци
Тæбæхсæуты Балойы номыл ирон академион театры кадджын уавæры байгом кодтой æппæтуæрæсеон профессионалон конкурс «Мадæлон æвзаг æмæ литературæйы хуыздæр ахуыргæнæджы» кæронбæттæн къæпхæн. Ацæудзæн «Скъолайы агъоммæйы кары сывæллæтты мадæлон æвзагмæ разæнгард кæнынæн хуыздæр мадзæлтты» номинаци. Нæ республикæмæ ссыдысты архайджытæ Уæрæсейы 31 регионæй. Сты рæвдауæндæтты кусджытæ. Хъæуы сæ цалдæр къæпхæны ацæуын. Сывæллæтты мадæлон æвзагыл чи ахуыр кæны, уыцы хъомылгæнджытæ ацы конкурсы архайынц фыццаг хатт. Цæгат Ирыстоны кад хъахъхъæны Беслæны 1-æм рæвдауæндоны хъомылгæнæг Хуымарты Илонæ. Дзæуджыхъæуы 7-æм скъолайы ирон æвзаджы ахуыргæнæг Гæбуты Маринæ та архайы, Хъæрæсе – Черкесийы цы финал цæуы, уым, номинаци «Мадæлон æвзаг æмæ лиетартурæйы хуыздæр ахуыргæнæджы».