Грипп æмæ æхснырсæгæй рынчынты нымæц кæны фылдæр
Цæгат Ирыстоны 2 скъолайы æмæ 7 рæвдауæндоны сæхгæдтой, уымæн æмæ дзы фæрынчын ахуырдзауты 20 проценты. Грипп æмæ æхснырсæгæй рынчынты нымæц кæны фылдæр. Республикæйы æнæниздзинадхъахъхъæнынады министрады хатдзæгтæм гæсгæ, рынчындæтты æхснырсæгæй пациентты нымæц у 56 адæймаджы, коронавирусæй та – 11. Ведомствойы сæргълæууæг Тебиаты Сослан куыд зæгъы, афтæмæй Æрыдоны центрон рынчындоны фæзынд ног МРТ-йы аппарат. Æмбырды æрдзырдтой æндæр фарстатыл дæр. Сергей Меняйло бабар кодта æркæсын, аварион уавæры чи цæры, уыдоны ног цæрæнбынæттæй сифтонг кæныны фарстамæ. Цæгат Ирыстоны уыцы программæ фæнд кæнынц сæххæст кæнын æмгъуыдæй раздæр. Уымæй уæлдай ма регионы сæргълæууæг бафхæрдта Фæлхасадмæ цæстдарды управленийы цæгатирыстойнаг управлени, регионалон оператор «ЭРА»-йыл тæрхондонмæ хъаст кæй балæвæрдтой, уый тыххæй. Сергей Меняйло куыд зæгъы, афтæмæй ахæм фарстатыл ныхас кæнын хъæуы барадхъахъхъæнджытимæ. Республикæйы раздæр куыстой 2 регионалон операторы. Сæ иу – Мæздæджы. Йæ куысты хæрзхъæддзинад уыд зæрдæхсаинаг. Тæрхондоны курдиат растыл куы банымайа, уæд бырæттæ фснайыны компани «Эра»-йæн кусыны фадат нал уыдзæн. Ног регионалон оператортæ ссарын та æнцон нæу – зæгъы Сергей Меняйло. Уыцы хъуыддаг расайдзæн бирæ лыггæнинаг фарстатæ.
