Ахуырады, культурæйы æмæ спорты къабазы минæвæрттæн радтой кады гæххæттытæ æиæ арфæйы фыстæджытæ
Дзæуджыхъæуы кадджын уавæры сæхгæдтой ахуыргæнæджы æмæ разамонæджы аз. Ахуырады, культурæйы æмæ спорты къабазы минæвæрттæн радтой кады гæххæттытæ æиæ арфæйы фыстæджытæ. Уæлæмхасæн ахуырады дыууæ педагогæн лæвæрд æрцыд «Уæрæсейы Федерацийы ахуырады къабазы кадджын кусæджы» ном. Дзæуджыхъæуы администрацийы сæргълæууæг Милдзыхты Вячеслав раарфæ кодта ахуыргæнджытæн сæ зæрдиаг, фæлæ уыимæ зын æмæ ахсджиаг фæллойы тыххæй. Куыд загъта, афтæмæй ахадгæ æххуыс æнкъарынц меценаттæй, политикон æмæ æхсæнадон архайджытæй, стæй сын афæдзы дæргъы цы организацитæ æххуыс кодтой, уыдонæй. Кадджын мадзал саив кодтой сывæллæтты коллективтæ, музыкалон, аивадон æмæ спортивон скъолаты хъомылгæнджытæ. Концерты ма архайдтой Ирыстоны зындгонд музыканттæ æмæ зарæггæнджытæ.
