филиал вгтрк государственная телерадиовещательная компания “Алания”

Октябрьскæйы фыццæгæм спортивон скъолайы арæзт æрцыд æвзонг инспекторты Æппæтуæрæсеон конкурс «Æдас цалх»-ы районы къæпхæн. Ацы хатт баст у Бинонты азимæ. Ерысы архайджытæ раргом кодтой, фæндаггон змæлды фæтк, царды æдасдзинады бындуртæ æмæ фыццаг медицинон æххуыс куыд зонынц, уый. Уымæй дарддæр равдыстой, велосипед скъæрын куыд зонынц, уый, стæй ма сæ сфæлдыстадон гæнæнтæ дæр. Конкурсы хæслæвæрдтæ æнцон нæ уыдысты. Æвзонг инспекторты хъуыди эрудици æмæ лæмбынæгдзинад равдисын. Ерысты æппæт архайджытæ райстой кады гæххæттытæ æмæ зæрдылдарæн лæвæрттæ. Районы къæпхæны уæлахиздзау сси Михайловскæйы скъолайы командæ.