Бакуыстой йыл уæлдæр ахуыргæнæндоны разамынд стæй Мæскуыйы Сеченовы номыл фыццаг паддзахадон медицинон университет
Зын хæслæвæрдтæ, цымыдисаг эксперименттæ æмæ бæрзонд ерысхъомдзинад. Цæгат Ирыстоны медицинон академийы арæзт æрцыд æрвылазон студентон олимпиадæ хирургийы фарстатæй. Бакуыстой йыл уæлдæр ахуыргæнæндоны разамынд стæй Мæскуыйы Сеченовы номыл фыццаг паддзахадон медицинон университет. Олимпиадæ саразыны хъæппæрис разынд Цæгат Ирыстоны паддзахадон медицинон академийы хирургион низты кафедрæ, йæ разамонæг – профессор Тотыккаты Валерий. Хъæппæрис хорзыл банымадтой Уæрæсейы хирургты профессионалон æхсæнады минæвæрттæ. Командон æмæ хицæн ерысты архайынц сæдæ студентæй фылдæр. Уыимæ афæдзæй-афæдзмæ цымыдисдзинад рæзы. Ацы фæлтæрддзинад сæхиуыл фæлварынц нæ бæстæйы иннæ уæлдæр медицинон ахуыргæнæдæттæ дæр. Ацы аз олимпиадæ баст у Академийæн бындур сæвæрыны 87 азы бонимæ. Дыууæ боны цыдысты конкурстæ æмæ профессилоналон ерыстæ медицинон теорийæ æмæ хирургион практикæйæ. Ахæм мадзæлтты фæрцы раргом вæййынц курдиатджындæр студенттæ.
