Бæстæйы æппæт субъекттæй конд æрцыд æрмæст 13 регионалон хайады
«Киберспорты лидертæ». Цæгат Ирыстоны уыд æппæтуæрæсеон форумы регионалон къæпхæн. Бæстæйы æппæт субъекттæй конд æрцыд æрмæст 13 регионалон хайады. Форум æххæстгæнгæйæ архайджытæн амыдтой программæтæ аразыны æмæ веб-дизайны бындуртæ, стæй сæ ахуыр кодтой æнæ пилотæй тæхæн аппаратимæ архайыныл. Форум кадджын уавæры байгом Уæрæсейы компьютерон спорты Федерацийы президент Дмитрий Смиты раныхасæй. Куыд загъта, афтæмæй ахæм мадзæлтты фæрцы архайджытæ бирæ ногдзинæдтæ базонынц, равдисынц сæ гæнæнтæ. Цæгат Ирыстоны киберспорт ахадгæйæ рæзы. Республикæйы иугонд командæ фæархайы Уæрæсейы студентон лигæты, чемпионатты æмæ кубокты. Июлы Санкт-Петербурджы уыдзæн форумы федералон къæпхæн. Уырдæм ацæудзысты республикæйы 5 æппæтæй курдиатджындæр минæвары.
