филиал вгтрк государственная телерадиовещательная компания “Алания”

Сергей Меняйло аппаратон æмбырды радта бæлвырд хæстæ æмæ нысантæ, зынгсирвæзтытæ ма руадзыны тыххæй. Адæмимæ хъæуы æмбарынгæнæн куыст кæнын, стæй байгом кæнын хъæуы оперативон штаб. Уымæй уæлдай, регионы разамонæг куыд фæнысан кодта, афтæмæй Дагестаны цы цаутæ æрцыди, уыдоны фæстæ хъæуы æдасдзинады мадзæлттæ фæфидардæр кæнын. Карздæр цæстдард хъæуы регионмæ æрбацæуæнтæм. Аппаратон æмбырды ма ныхас цыди фæсивæды боныл дæр, уыдзæни 29-æм июны. Уыцы бон Дзæуджыхъæуы Ленины цыртдзæвæны цур равæрдзысты тематикон фæз. Бæрæгбоны мадзæлттæ ацæудзысты республикæйы районты.