Уый тыххæй æрвылкъуырион аппаратон æмбырды фехъусын кодта республикæйы Сæргълæууæг Сергей Меняйло
Советон Цæдисы дыууæ хатты хъæбатыр Плиты Иссæйы номыл полк сæрмагонд æфсæддон операцийы зонæйы, бархионты къорд «Шторм. Осетия»-йы базæйы. Уый тыххæй æрвылкъуырион аппаратон æмбырды фехъусын кодта республикæйы Сæргълæууæг Сергей Меняйло. Ацы полкæн бындур æвæрд хуымæтæджы не рцыд. Цæгат Ирыстоны цæрджытæй райгуырæн бæстæ хъахъхъæнынмæ цавæрдæр аххосæгтæм гæсгæ, иннæ регионтæй чи ацыди, уыцы æфсæддонтæ æмæ сæ хæстæджытæ арæх ныффыссынц курдиæттæ, цæмæй сæ æфсæддон къорд «Шторм Осетия» æмæ батальон «Алания»мæ раивой, уый тыххæй. Уымæ гæсгæ, ацы полк æххуыс уыдзæни ахæм фарстатæ лыг кæнынæн. Аппаратон æмбырды ныхас цыди æндæр хъуыддæгтыл дæр. Сергей Меняйло фаутæ æрхаста фæндаггон змæлд аразæг Центры куыстмæ. Сæргълæууæг куыд загъта, афтæмæй центры хæс у республикæйы транспортон змæлдыл электрон хуызы ахадын. Фæлæ уæддæр, ныртæккæ структурæ йæ размæ вæрд хæстæ æххæстæй не ххæст кæны. Транспорты фарстаты темæ дæрддæр хæццæгæнæйæ Дзæуджыхъæуы бынæттон администрацийы сæргълæууæг Милдзыхты Вячеслав загъта, горæты бæлццæттæ ласыны лæггæдты тарифтæ уæлдæр нæ кæндзысты, нырма.
