Ныхас кодтой республикæйы скъолаты бындурон цалцæг кæныны куыстытæ æххæст кæныныл
Цæгат Ирыстоны Хицауады сæрдары хæдивæг, арæзтады æмæ архитектурæйы министр Атарты Георгий сарæзта æмбырд подрядон организациты разамонджытимæ. Ныхас кодтой республикæйы скъолаты бындурон цалцæг кæныны куыстытæ æххæст кæныныл. Атарты Георгий загъта, ацы аз бындурон цалцæг кæй цæуы 26 скъолайы. Æхсæз объекты куыстытæ иу азмæ фæуыдзысты, дыууыны та – дыууæ азмæ. Æххæстгонд цæуынц проект «Скъолаты ахуырады системæты модернизаци»-йы паддзахадон программæ «Ахуырад»-мæ гæсгæ. Вице-премьеры ныхæстæм гæсгæ, хицауадон оргæнты, муниципалон скондты размæ лæууы хæс алцыдæр скæнын, цæмæй объектты сæйраг хай лæвæрд æрцæуа фæззæджы. Атарты Георгий подрядон организациты минæвæртты сæрмагонд æргом аздæхта, контрактты цы æмгъуыдтæ нысангонд ис, уыдон æнæ къуылымпыйæ æххæст кæнынмæ, стæй куыстыты хæрзхъæддзинадмæ. Дзуапдæттæг адæмы хъæуы, фæткмæ гæсгæ куыстытæ афонæй фæстæдæр кæм æххæстгонд цæуынц, уыцы скъолаты инспекци саразын. Уæ зæрдыл уын æрлæууын кæндзыстæм, Цæгат Ирыстоны паддзахадон программæтæм гæсгæ фæстаг дыууæ азмæ бындуронæй сцалцæг кодтой 66 скъолайы. Алы ахуыргæнæндоны дæр сног кодтой материалон-техникон бындур, сцалцæг кодтой хæрæндæттæ.
