Цалцæггæнæн куыстытæ дзы сæххæст кодтой 95%
Попов хутормæ цы фæндаг цæуы, уый, зæгъæн ис, æмæ сцæттæ ис. Цалцæггæнæн куыстытæ дзы сæххæст кодтой 95%. Баззад ма дзы дондзæуæн хæтæлтæ сæвæрын, бырутæ, ног фæндаггон нысантæ æмæ хæххытæ снысан кæнын. Рацарæзты куыстытæ куыд цæуынц, уый федта не сфæлдыстадон къорд, æмæ бæстондæр хабæрттæ радзурдзæн Чехойты Фатимæ.
Рæсугъд æвæрд асфальтыл машинæтæ рогæй тæхынц. Сæйраг куыстытæ фесты. Иу экскаватор ма дарддæр архайы ног фæндаджы аивдзинадыл. Попов Хуторы бацæуæны рацарæзт кæронмæ фæхæццæ кæны.
Цæрджытæ иу æмæ дыууæ хатты нæ хъусын кодтой сæ курдиат – фæндаг рацаразыны тыххæй. Ныр уый дзуапп дæтты æппæт домæнтæн. Аразæн æрмæджыты æмæ куыстыты хæрзхъæддзинадмæ æдзухдæр сæ цæст дардтой специалисттæ.
Ацы маршрутыл цæуæн уыдзæн фидæны æппæт сезонты кусæг тематикон парк «Алания-парк»-мæ дæр. Кусджытæ ныртæккæ архайынц дондзæуæн хæтæлтæ кæронмæ сæвæрыныл. Хъæудзæн ма фæндаджы фæйнæ фарс бырутæ сæвæрын, ног фæндаггон нысантæ æмæ хæххытæ скæнын. Специалистты хъуыдымæ гæсгæ, куыстытæн фæци сæ 95%. Куыд фæнд кæнынц, уымæ гæсгæ фæндаг сентябрьмæ уыдзæн рæвдз.
