Уазæг Цæгат Ирыстонмæ ссыд сæрдыгон студентон слет «Æрыгон»-ы архайынмæ
Цæгат Ирыстоны Сæргълæууæг Сергей Меняйлойæн кусæг фембæлд уыд Паддзахадон Думæйы депутат – физкультурæ æмæ спорты комитеты сæрдары хæдивæг Сергей Бурлаковимæ. Уазæг Цæгат Ирыстонмæ ссыд сæрдыгон студентон слет «Æрыгон»-ы архайынмæ. Бæрнон кусджытæ æрныхас кодтой нæ регионы ахсджиагдæр хъуыддæгтыл фæсивæдон политикæйы къабазы. Бæлвырддæр та – социалон æххуыс мадзæлттæ, амалхъомдзинады архайд æмæ социалон рæзты уавæртæ. Сергей Меняйло куыд загъта, афтæмæй Цæгат Ирыстоны фæсивæдæн æххæстгонд цæуынц цалдæр проекты. Регионы разамынд æрыгон адæмæн æххуыс кæны социалон хъæппæристæ царды уадзынæн. Уæлдай æргом здæхт цæуы фæсивæды патриотон æмæ удварны хъомыладмæ. Сергей Бурлаков республикæйы Сæргълæууæгæн загъта бузынджы ныхæстæ, ахæм егъау куыст кæй кæнынц, уый тыххæй.
