Зонындзинæдты боны кадæн мадзæлттæ ацæудзысты республикæйы ахуыргæнæндæтты
Цæгат Ирыстоны райдыдта ног ахуыры аз. Зонындзинæдты боны кадæн мадзæлттæ ацæудзысты республикæйы ахуыргæнæндæтты. Уый размæ та скъолаты ацыдысты сабырдзинады уроктæ. Ацы аз скъоламæ, фыццæгæм къласмæ бакъахдзæф кодтой аст мины цыппарсæдæ цыппор фондз сабийы. Уыдонæй алчидæр райсдзæнис лæвæрттæ республикæйы разамонæджы номæй — фыссæнгæрзтæ. Ис дзы, фыццæгæмкъласоны ахуыры цы хъæуы, уыдон сеппæтдæр. Ахуырад æмæ наукæйы министрады куыд загътой, афтæмæй ног ахуыры азы райоианмæ цæттæ сты æппæт ахуыргæнæндæттæ. Ацы аз скъоладзаутæм æнхъæлмæ кæсынц бирæ ногдзинæдтæ. Ног ахуыры азы райдиан Цæгат Ирыстоны скъолаты байгом уыдзæнис 848 профилон къласы. Уыдонимæ медицинон, химион-биологон, инженерон, гуманитарон æмæ æндæр къабæзтæ. Уымæй дарддæр ацы аз скъоладзауты менюмæ бахастой ивддзинæдтæ. Хæринæгтæм бафтыдтой къæдор цыхт, карчы фыдæй хæринаг, ног салаттæ æмæ хъæбынтæ.
