Хæдзарæдты комуналон объектты цалцæггæнæн куыстытæ кæронмæ фæуын хъæуы
Цæгат Ирыстоны фæвæййы хъармгæнæн сезонмæ цæттæ кæныны куыст. Аппаратон æмбырды республикæйы сæрдар профилон министрад æмæ ведомствæтæй бадомдта афтæ барæвдз кæнын, цæмæй сезон æнæкъуылымпыйæ ацæуа, æмæ адæм зымæджы æнæ электрон тых æмæ æнæ хъармæй ма баззайой. Хæдзарæдты комуналон объектты цалцæггæнæн куыстытæ кæронмæ фæуын хъæуы. Сифтонг сæ хъæуы материалон-техникон фæрæзтæй æнæнхъæлæджы цаутæ ма *руадзыны тыххæй. Бæлвырддæр – Чехойты Фатимæ.
Уæлдæфы температурæ бонæй бон ныллæгдæр кæны. Цæгат Ирыстоны сарæх сты фæззыгон дымгæтæ. Тагъд сæ баивдзæн зымæгон хъызт. Республикæйы активонæй цæттæ кæнынц цæрæнуæтты коммуналон хæдзарад. Ацы аз цæрджыты хъармæй æххæст кæндзæн донуадзæн куыстуат.
Уæлдай цæстдард цæуы æнæниздзинады объекттæм. Бирæ рæстæг лыггæнинаг уыд пъадвалты хъармгæнæнтæ фарста. Уыдон техникон домæнтæн дзуапп рагæй нал лæвæрдтой æмæ æхгæд æрцыдысты. Куыстуаты специалисттæ æппæт хъармгæнæн хæдзарадæн скодтой техникон иртæст. Ныр кусынц, цы хъæндзинæдтæ рабæрæг кодтой, уыдоныл. Ныр æвæрынц ног хъармгæнæнтæ.
Донуадзæн куыстуаты специалисттæ бабæрæг кодтой бирæфатерон хæдзæрттæ. Æркастысты разамонæг кампаниты куыстмæ. Уыдон æппæт хатдзæгты фæстæ хæдзæрттæн скæндзысты хъармгæнæн рæстæгмæйы цæттæдзинады акттæ.
Республикæйы цæрæнуæтты коммуналон хæдзарады, артаджы æмæ энергетикæйы министр Тамайты Майраны ныхæстæм гæсгæ, системæ мæйы кæронмæ бафæлвардзысты. Уый æххуыс уыдзæн хъæндзинæдтæ рабæрæг кæнынæн æмæ сæ афойнадыл аиуварс кæнынæн.
