Арæзт у зындгонд зарæггæнæг Юрий Визборы кадæн
7 сентябръы райдыдта 20-æм юбилейон æппæтуæрæсейон барды зарæджы фестиваль «Цъæйы вальс». Арæзт у зындгонд зарæггæнæг Юрий Визборы кадæн. Уый ныффыста зарæг «Цъæййаг» курорты алæмæты æрдз фенгæйæ. Фестивальы архайджытæ сты 30 адæймаджы. Мæскуы, Санкт-Петербург, Норильск, Хъырым, Донецкы æмæ Луганскы адæмон республикæтæ æмæ бæстæйы хуссайраг регионтæ. Традицимæ гæсгæ автортæ æмæ зарæггæнджытæ сты Уæрæсейы алы регионтæй – Владивостокæй райдай æмæ Калининградæй фæуы. Авторты зарджытæ, иумæйаг концерттæ, дæсныйад æвдисæн ахуыртæ гитарæйæ цæгъдынæй æмæ ансамблы зарынæй – фестивальы программæ у алывæрсыг. Номинацитæм гæсгæ сбæрæг уыдзæн хуыздæр автор, хуыздæр зарæг Цъæйы тыххæй æмæ хуыздæр юмористон зарæг. Арæзт æрцæудзысты конкурстæ Юрий Визборы æмæ классикон бардон зарджытæ рæсугъддæр азарынæй. Жюри сбæрæг кæндзæн хуыздæр поэтикон уацмыс дæр. Уыдзæн ма дзы уæлæмхасæн номинацитæ дæр – фестивальы сызгъæрин хъæлæс, адæмы уарзон зарæггæнæг, курдиатджын композитор æмæ фестивалы дебютант. «Цъæйы вальс» цæудзæн 17 сентябрьмæ.
