Бæстæйы егъау хъæдхъахъхъæнæн акцийы 6-æм сезон республикæйы райдайдзæн октябры
Цæгат Ирыстоны, æппæтуæрæсеон акци «Бахъахъхъæнæм æрдз» æххæстгæнгæйæ, ныссаддзысты 8 мин бæласы. Бæстæйы егъау хъæдхъахъхъæнæн акцийы 6-æм сезон республикæйы райдайдзæн октябры. Уый тыххæй фехъусын кодта регионы æрдзы министрад. Акци у национ проект «Экологи»-йæн æххуысы мадзал. Традицимæ гæсгæ цæудзæн Уæрæсейы алы субъекты дæр, суанг ма ног регионты дæр. Ахæсдзæн ноябры онг. Бæлæстæ садзыны хъуыддагмæ се *хуысы хай бахæсдзысты хицауады, куыстуæтты, æхсæнадон организациты минæвæрттæ, журналисттæ æмæ волонтертæ. Акци царды уадзын куы райдыдтой, уæдæй нырмæ нæ республикæйы сагъд æрцыд 500 мин бæласы. Фидæнмæ нысангонд у уыцы территориты зиутæ, дæсныйадæвдисæг ахуыртæ, онлайн викторинæтæ аразын хъæды тыххæй. Акцийы архайын йæ бон у алы адæймагæн дæр.
