Фæсивæдæн раарфæ кодта, загъта сын, цæмæй макуы зивæг кæной ахуыр кæнынмæ æмæ сæрыстырæй хæссой хæххон-металлургон институты студенты æмæ рауагъдоны ном
Сенатор Мамсыраты Таймураз сæмбæлд Цæгат Кавказы хæххон-металлургон институты фыццагкурсонтимæ. Фæсивæдæн раарфæ кодта, загъта сын, цæмæй макуы зивæг кæной ахуыр кæнынмæ æмæ сæрыстырæй хæссой хæххон-металлургон институты студенты æмæ рауагъдоны ном. Мамсыраты Таймураз йæхæдæг дæр у ацы ахуыргæнæндоны рауагъдон. 1976-æм азы каст фæцис арæзтадон факультет. Йæ ныхæстæм гæсгæ, институты цы зонындзинæдтæ райста, уыдон ын царды стыр пайда æрхастой. Абон у Цæгат Кавказы хæххон-металлургон институты кадджын профессор. Студенттæ сенатормæ лæвæрдтой фæрстытæ. Баст уыдысты йæ цардимæ æмæ йæ профессионалон архайдимæ.
Мамсыраты Таймураз бабæрæг кодта институты музей дæр. Сенаторæн радзырдтой уæлдæр ахуыргæнæндоны историйы æмæ абоны студентты сгуыхстдзинæдты тыххæй. Бирæ экспонаттæ хæххон-металлургон институты ахуырдзаутæ сæхæдæг скодтой кæнæ ссардтой. Кадджын уазджыты чиныджы Мамсыраты Таймураз ныууагъта арфæйы ныхæстæ.
