Ацы акци ахуыргæнæндон сарæзта Адæмон фронтимæ иумæ
Гимназ «Диалог»-ы уыд дæсныйадæвдисæг ахуыр маскировкæгæнæн хызтæ быйынæй. Ацы акци ахуыргæнæндон сарæзта Адæмон фронтимæ иумæ. Йæ зонындзинæдтæ рæзгæ фæлтæрæн нæ бавгъау кодта цæгатирыстойнаг организаци «Согрей солдата»-йы минæвар Юлия Гриднева. Мадзалы архайдтой гимназы слестгæнæн комитеты кадетон къласы ахуырдзаутæ. Фæстæдæр уыдон бацамондзысты хызтæ быйын иннæ сывæллæттæн. Бæлвырддæр радзурдзæн Хъайтмазты Дзерассæ.
Маскировкæгæнæн хыз быйыны размæ уал хъæуы бацæттæ кæнын каркас. Бафидар ыл кæнын къæндзытæ, бакæнын хыз, ныллыг кæнын лентытæ æмæ уый фæстæ райдайын сæйраг процесс. Цалдæр минуты фæстæ гимназ «Диалог»-ы слестгæнæн комитеты кадетон къласы ахуырдзаутæ бавнæлдтой быйынмæ.
Маскировкæгæнæн хыз быйын, æцæгдæр, зын нæу, фæлæ у лæмбынæг куыст. Сæйрагдæр у, техникæ бамбарын. Йæ зонындзинæдтæ рæзгæ фæлтæрæн нæ бавгъау кодта цæгатирыстойнаг организаци «Согрей солдата»-йы минæвар Юлия Гриднева.Ацы хъуыддаджы йæм стыр фæлтæрддзинад ис. Сæрмагонд операцийы райдианæй организаци æххуыс кæны хæстонтæн. Уыцы рæстæгмæ сын арвыстой сæдæгай хызтæ æмæ æндæр хъæугæ фæрæзтæ.
Гимназы директор Икъаты Бэлæ куыд зæгъы, афтæмæй зонгæ дæр нæ кодтой, маскировкæгæнæн хызтæ фронтæн куыд ахсджиаг сты, уый. Цы нысаниуæг сын ис, уый куы бамбæрстой, уæд сфæнд кодтой иумæйаг хъуыддагмæ се *вæрæн бахæссын.
Уыцы фæлтæрддзинад кадеттæ апарахат кæндзысты гимназы иннæ ахуырдзауты *хсæн. Афтæ хæстонтæн æххуыс рæзгæ фæлтæры баиу кæндзæн иумæйаг хъæугæ хъуыддаджы.
«Хиуæттæн баххуыс кæн» у гимназ «Диалог»-ы æмæ адæмон фронты иумæйаг акци. Иухаттон мадзал нæу. Маскировкæгæнæн хызтæ ныр ам æдзух быйдзысты.
Адæмон фронты минæвæртты ныхæстæм гæсгæ, ацы фæлтæрддзинад апарахат кæндзысты иннæ ахуыргæнæндæтты дæр. Хæстонтæн баххуыс кæнын бирæты фæнды.
