Бюджет куыд æххæстгонд уыд, уый тыххæй Парламенты æмбырды радзырдта Цæгат Ирыстоны финансты министры хæстæ рæстæгмæ æххæстгæнæг Оксана Карова
Республикæйы бюджеты æфтиæгтæ ацы азы 6 мæймæ систы 25 миллиард сомы бæрц. Хæрдзтæ – 26 миллиарды сомы æмæ *рдæгæй фылдæр, дефицит – 1 миллиард 361 милуан сомы. Бюджет куыд æххæстгонд уыд, уый тыххæй Парламенты æмбырды радзырдта Цæгат Ирыстоны финансты министры хæстæ рæстæгмæ æххæстгæнæг Оксана Карова. Йæ ныхæстæм гæсгæ паддзахадон хæс фæкъаддæр 45 милуан сомæн. Ныхас цыд «Организациты исбонæн хъалонты тыххæй» закъонмæ ивддзинæдтыл. Уыдонмæ гæсгæ аэропорт «Дзæуджыхъæу» ацы хъалонæй суæгъд кæндзысты 10 азмæ. Хъалонты иумæйаг бæрц уыцы рæстæгмæ уыдзæн 289 милуан сомы. Фæрæзтæ схардз кæндзысты æппæтадæмон терминалы рацарæзтыл. Уыимæ иннæ хъалонтæ баззайдзысты. Закъоны проект фыццаг æркасты сфидар кодтой. Фыццаг æркасты сфидар кодтой, Цæгат Ирыстоны сæргълæууæджы закъонадон хъæппæрис. Уымæ гæсгæ республикæйы нысангонд æрцæудзæн «Æфсæддон æхсардзинады хъæу»-ы кадджын ном. Дæтдзысты йæ, Фыдыбæстæ хъахъхъæнджытæ лæгдзинад æмæ хъæбатырдзинад цы хъæуты æмæ горæтты территориты равдыстой, уыдонæн.
