Сæ арæхстдзинад дзы равдыстой 20 командæйы Дзæуджыхъæуæй æмæ республикæйы æппæт районтæй
Спорты галуан «Манеж»-ы арæзт æрцыд бинонты спартакиадæ. Сæ арæхстдзинад дзы равдыстой 20 командæйы Дзæуджыхъæуæй æмæ республикæйы æппæт районтæй. Архайдтой 5 хуызы ерысты. Спартакиадæ арæзт æрцыд, «Бинонты азы» мадзæлттæ æххæстгæнгæйæ фæллойы æмæ социалон рæзты министрады
Сологубовтæ спартакиадæйы хъахъхъæнынц Алагиры районы кад. Василий æмæ Алинæ хъомыл кæнынц 7 сывæллоны. Сæ ныййарджытимæ ерысты архайынц Аслан æмæ Ростислав, иннæ сывæллæттæ сæм кæсынц трибунæтæй.
Обручимæ тезгъо, æмуæзад, лæдзæг адæттын, пурти ахæссын, бынатæй дæргъмæ гæппытæ. Эстафетæты архайджытæ æвдыстой сæ арæхстдзинад. Спартакиадæ «Æнæниз царды уагы тыххæй»-ы архайдтой 20 бинонтæ Дзæуджыхъæуæй æмæ республикæйы æппæт районтæй. Сæ фылдæр уыдысты бирæсывæллонджын, фæкæсынхъуаг æмæ сæрмагонд æфсæддон операцийы архайджыты бинонтæ.
Кокайтæ ерыстæм æрбацыдысты сæ сæргъы сæ мад, афтæмæй. Фатимæйы цардæмбал ныртæккæ ис сæрмагонд æфсæддон операцийы зонæйы. Уымæ гæсгæ бинонты кад сылгоймаг хъахъхъæны се *ртæ сывæллонимæ.
Спартакиадæ арæзт æрцыд «Бинонты азы» мадзæлттæ æххæстгæнгæйæ фæллойы æмæ социалон рæзты министрады хъæппæрисæй. Ерыстæ се сфæлдыстадæй саив кодтой аивадон коллективтæ. Æнæ *рхъуыдыйæ иу архайæг дæр нæ баззад. Алкæмæндæр радтой зæрдылдарæн лæвæрттæ. Уæлахиздзаутæн æмæ призертæн та саккаг кодтой кубоктæ æмæ зынаргъ лæвæрттæ.
