Равдыстой премьерæ «Тыхджын, хъæздзыг æмæ сидзæр Дзиго»
Сывæллæтты театр «Саби»-йы байгом кодтой 85-æм сезон. Равдыстой премьерæ «Тыхджын, хъæздзыг æмæ сидзæр Дзиго». Спектакль æвæрд у Тотраты Русланы уацмысмæ гæсгæ. Режиссер-æвæрæг – Цæгат Ирыстоны адæмон артист Колыты Владислав. Спектакль у уарзондзинады историйы тыххæй. Сабиты æнкъарæнты тыххæй бæстондæр радзурдзæн Хъайтмазты Дзерассæ.
Ам сабиты худт зæлы æмхъæлæсæй. Сывæллæтты театры ног сезон байгом спектакль «Тыхджын, Хъæздзыг æмæ сидзæр Дзиго»-йæ. Æвæрд у Тотраты Русланы уацмысмæ гæсгæ. Фыццаг минутæй фæстæмæ чысыл аивадуарзджытæ цымыдисимæ кастысты спектакльмæ.
Спектаклы сюжет арæзт у паддзахы чызг Зæринæйы алыварс. Йæ фыд æй фæнд кæны паддзахады æппæтæй тыхджындæрæн чындзы радтын. Чызджы зæрдæ, фыццаджыдæр та, йæ хъæздыгдзинæдтæ бацахсын кæй фæнды, уыдоны хсæн сты Тыхджын æмæ Хъæздыг. Зæринæйы уарзон Сидзæр Дзиго хиндзинады фæрцы, æмæ кæфхъуындары уæлæдарæс скæнгæйæ, аскъæфта чызджы. Афтæмæй фæуæлахиз уарзондзинад. Заринæйы сурæт йæхиуыл абарста æмæ йын йæ хъæлæс балæвар кодта театры актрисæ Браты Камиллæ.
Сæрмагондæй спектаклæн композитор Лагкуты Спартак ныффыста 2 авторон зарæджы. Театралон аивады йын ацы куыст уыд дебютон.
Зæрдæхæлардзинад театры æрмæст сæ спектакльты не вдисынц. Алы равдыстмæ дæр льготæтæм гæсгæ радих кæнынц 30 билеты бæрц. Зæгъын ма хъæуы уый дæр, æмæ ацы аз театр райста субсиди сфæлдыстадон архайдæн æххуысæн. 4 милуан сомæй фылдæр радих кодтой федералон программæ «Культурæйы райрæзт»-мæ гæсгæ.
