Ацы хатт йæ минæвæрттæ, спикер Тускъаты Таймуразимæ бабæрæг кодтой Æрæфы район
Уыд Цæгат Ирыстоны Парламенты цæугæ æмбырд. Ацы хатт йæ минæвæрттæ, спикер Тускъаты Таймуразимæ бабæрæг кодтой Æрæфы район. Уыдысты Цыколайы спортивон скъолайы. Ахуыргæнæндон цалцæггонд æрцыд фарон. Ам сывæллæттæн ис æппæт уавæртæ дæр, се спортивон цæттæдзинадыл кусынæн. Тускъаты Таймураз ма архайдта Цыколайы фæлладуадзæн бынат байгом кæныны кадджын мадзалы. Парламенты Сæрдар федта ног физкультурон-дзæбæхгæнæн комплекс. Арæзт æрцыд Паддзахадон программæ «Хъæуккаг территориты комплексон райрæзт»-мæ гæсгæ. Алы бон дзы архайы алы секциты 200 адæймагмæ хæстæг. Кусæг балцы кæронбæттæны та Парламенты спикер фембæлд районы спортментæ æмæ тренертимæ, æрдзырдтой фарстайаг хъуыддæгтыл. Сæйрагдæр – кæстæр фæлтæр æнæниз цардыуагмæ æмхиц кæнын. Тускъаты Таймураз сæ æнæ æрхъуыдыйæ нæ ныууагъта. Сæ зæрдиаг куысты тыххæй сын радта ведомствæйы кады гæххæттытæ. Цæгат Ирыстоны парламенты сæрдар, балцы фæстæ куыд фæбæрæг кодта, афтæмæй ахæм цæугæ æмбырдттæ хуыздæрырдæм кæй бæрæг кæнынц районты архайдыл. Уыимæ ма бынаты лыггонд æрцæуынц ахсджиаг фарстатæ.
