Уый тыххæй фехъусын кодта республикæйы æрдзон æвæрæнты æмæ экологийы министрад
Цæгат Ирыстоны национ проект «Экологи»-мæ гæсгæ бацæттæ кæндзысты хъæды зайæгойты мыггæгты 700 килограммы. Уый тыххæй фехъусын кодта республикæйы æрдзон æвæрæнты æмæ экологийы министрад. Ныридæгæн цæттæ сты æнгузы, тæгæры, кæрзы æмæ тулдзы мыггæгты 265 килограммы. Мыггæгты 550 килограммæн уыдзæн хуыздæргонд æууæлтæ. Ома ног хъæд уыдзæн хæрзхъæддæр, зæгъынц специалисттæ. Ацы фæззæджы мыггæгтæ байтаудзысты республикæйы бæласдоны, 2 азы фæстæ та талатæ фæхъæздыгдæр кæндзысты регионы хъæды фонд. Сæрмагонд федералон проекты нысан у, хъæдты скуынæг æмæ сæ ног кæныны баланс сæххæст кæнын. Министрады куыд зæгъынц, афтæмæй бæрæггæнæн бантыст æрмæст сæххæст кæнын нæ, фæлæ ма йæ фæхуыздæр кæнын дæр. 3 азмæ ног сагъд хъæд сси, зынгсирвæзтыты æмæ хъæд æнæзакъонæй калыны аххосæй чи фесæфт, уыцы фæзуатæй фылдæр.
