Баст у Цæгат Ирыстоны республикæйы автономийы 100 азы бонимæ
Цæгат Ирыстоны паддзахадон университеты «Точка кипения» кæй хонынц, уым презентаци скодтой историон-рухстауæн онлайн-проект “Ирыстоны кадджын ивгъуыд æмæ рухс фидæн»-æн”. Баст у Цæгат Ирыстоны республикæйы автономийы 100 азы бонимæ. Мадзалы раныхас кодтой нæ республикæйы историктæ Цæрикъаты Алан, Феликс Киреев æмæ Бзарты Руслан. Студенттæн радзырдтой регионы историйы, йæ алы азты разамонджыты æмæ паддзахадон архайджыты тыххæй. Проекты æмбырдгонд æрцыдысты Цæгат Ирыстоны архивон документтæ. Проект “Ирыстоны кадджын ивгъуыд æмæ рухс фидæн-æн” онлайны хуызы адæмы размæ рахастой Цæгат Ирыстоны паддзахадон университеты сайты дæр. Мадзал арæзт æрцыд Уæрæсейы историон æхсæнады республикон хайады хъæппæрисæй.
