Уымæй уæлдай, æргом здæхт æрцыди национ проекттæ æмæ паддзахадон программæты фæлгæты мадзæлттæм
Хицауады сæрдар Дзанайты Барис министртæ æмæ муниципалитетты сæргълæуджытимæ цы æмбырд сарæзта, уым ныхас цыди, бæстæйы президент регионы рæзты тыххæй цы хæслæвæрдтæ радта, уыдон куыд æххæстгонд цæуынц, ууыл. Уымæй уæлдай, æргом здæхт æрцыди национ проекттæ æмæ паддзахадон программæты фæлгæты мадзæлттæм. Бæлвырддæр та – социалон объектты арæзтад æмæ рацарæзтыл, æхсæнадон территориты аивдзинадыл, стæй хъармгæнæн сезон куыд цæуы, ууыл. Дзанайты Барис куыд бафиппайдта, афтæмæй экономикæ, социалон къабаз æмæ инфраструктурæйы рæзтæн национ проекттæ дæттынц стыр гæнæнтæ. Фæстаг азты модернизацигонд æрцыдысты ахуырады, культурæйы, спорты, æнæниздзинадхъахъхъæнынады, коммуналон æмæ фæндаггон инфраструктурæйы объекттæ. Разæй æнхъæлмæ кæсы радон къæпхæн. Уымæ гæсгæ, бакусын хъæуы æппæт мадзæлттыл, цæмæй Цæгат Ирыстон ног национ проектты архайа æнтыстджынæй. Æмбырды архайджытæ ма æрдзырдтой, федералон министрадтæ æмæ ведомствæты æххуысæй цы размæ вæрд хæстыл æмæ нысантыл кусынц, уыдоны бæрæггæнæнтыл дæр.
