филиал вгтрк государственная телерадиовещательная компания “Алания”

Олимпаг чемпион, Азербайджаны иугонд командæйы ирыстойнаг дзюдоист Коцойты Зелим дæсныйадæвдисæг ахуыртæ скодта Мæздæджы районы спортсментæн. Тренирвкæ ацыди Луковскæйы станицæйы сывæллæтты спортивон скъолайы. Спортсмен рæзгæ фæлтæрæн равдыста спорты сæйрагдæр æууæлтæ, семæ æрдзырдта хъæбысхæсты фæуæлахиз уæвыны сусæгдзинæдтыл. Лæппутæ сæхи бацæттæ кодтой иттæг хорз, æмæ равдыстой зæрдæмæдзæугæ зонындзинæдтæ, хорз зыдтой спортсмены царвæндаг дæр. Райдайгæ дзюдоисттæ чемпионмæ лæвæрдтой фæрстытæ. Фæндыд сæ базонын, цавæр миниуджытæй хъуамæ уа хайджын адæймаг, цæмæй дзы æнтыстджын спортсмент рауайа, уый тыххæй.