Æххæстгонд цæуы национ проект «Ахуырад»-мæ гæсгæ, æмæ хаст æрцыд платформæ «Уæрæсе – гæнæнты бæстæмæ»
Дзæуджыхъæуы 44-æм скъолайы ахуырдзау сси æппæтуæрæсеон конкурсы лауреат. Æххæстгонд цæуы национ проект «Ахуырад»-мæ гæсгæ, æмæ хаст æрцыд платформæ «Уæрæсе – гæнæнты бæстæмæ». Владимир Лемешев архайы программæтæ аразыны хъуыддаджы. Йæ фæлтæрддзинадыл æфтауы кванториумы, ахуыр кæны математикæ æмæ физикæ. Конкурсы фæстæ йæ размæ сæвæрдта хæс – Мæскуыйы авиацион институтмæ бацæуын. Хъайтмазты Дзерассæйæн ныхасы бар.
Дзæуджыхъæуы 44-æм скъолайы ахуырдзау Владимир Лемешевæн йæ сабибонтæй цымыдисаг уыд дронтæ æмбырд кæнын æмæ программæтæ цæттæ кæныны хъуыддаг. Лæппу архайы «Кванториум»»-ы, ахадгæйæ ахуыр кæны математикæ æмæ физикæ. Ацы аз Владимир архайдта æппæтуæрæсеон конкурс «Большая перемена»-йы. Скъоладзаумæ æрхауд цымыдисаг проект «Росатом»-æй. Хъуыдис дзы бакусын Уæрæсейы аразгæ интеллекты центр скæныны концепцийыл. Æрдæгфиналы аргъ кодтой архайæджы компетенцийæн æмæ æууæлтæн. Конкурсы жюри Владимирæн радта бæрзонддæр балл.
Фарон дæр Владимир Лемешев архайдта конкурс «Большая перемена»-йы æмæ бахæццæ æрдæгфиналмæ. Лæппу ахадгæйæ цæттæ кодта, йæ рæдыдтытыл бакуыста. Ацы аз Владимир сси 2-аг къæпхæны лауреат æмæ райста æхцайы приз. Ныртæккæ цæттæ кæны иумæйаг паддзахадон фæлварæнтæм æмæ дарддæр йæ цард фæнд кæны программæтæ кæнынимæ сбæттын.
«Большая перемена» арæзт у 12 тематикон къабазмæ гæсгæ. Се *хсæн – наукæ æмæ технологитæ, аивад æмæ сфæлдыстад, историон намыс, экологи, ахуырадон технологиты райрæзт. Ацы аз Цæгат Ирыстонæй 7 скъоладзауы систы конкурсы æрдæгфиналисттæ. Цыппары цæттæ кодта аивæдты республикон лицейы технологийы ахуыргæнæг Ирина Афанасьева. Куыд зæгъы, афтæмæй рæзгæ фæлтæрæн конкурс у тынг ахсджиаг, æмæ стыр фидæнмæ къахдзæф.
«Большая перемена» у æппæтуæрæсеон конкурс. Æххæстгонд цæуы нацпроект «Ахуырад»-мæ гæсгæ. Хауы платформæ «Уæрæсе – гæнæнты бæстæ»-мæ. Æмæ уыцы гæнæнтæй æнтыстджынæй пайда кæнынц Цæгат Ирыстоны минæвæрттæ.
