филиал вгтрк государственная телерадиовещательная компания “Алания”

«Уæлдæр æмæ тагъддæр». Проект «Фыццæгты Тырыса» æххæст кæнгæйæ, Дзæуджыхъæуы арæзт æрцыд къæдзæхтыл бырынæй турнир. Ерысты архайдтой Дзæуджыхъæуы 26-æм скъолайы хистæркъласонтæ. Сæ тыхтæ æвзæрстой хицæн, стæй алы къæпхæнты ерысты. Фæсивæд канд зонындзинæдтæ нæ райстой, фæлæ ма сæвæрдтой хи рекордтæ, æмæ рамбылдтой хæрзиуджытæ. Турниры сæйраг нысан у – командæйы архайын ахуыр кæнын, спортивон цæттæдзинадыл кусын, æмæ спорты бæрзæндтæм тырнын. Ерыстæ саразæг у патриотон хъомыладæн æххуысы Центр «Север».