филиал вгтрк государственная телерадиовещательная компания “Алания”

Дзæуджыхъæуы байгом æфсæддон-социалон центры минæварад. Кусдзæн «Фыдыбæстæ Хъахъхъæнджыты» Фонды филиалы. Сæйраг нысан – æфсæддонты бартæ æмæ социалон гарантитæ хъахъхъæнын. Бæлвырддæр та – сæ алы фарстатæ лыг кæнынæн æххуыс кæнын. Уый хауы медицинон æххуысмæ, цæрæнуæттæ, пособитæ исынмæ. Ахуыр чи ацыди, уыцы координатортæ æххуыс кæндзысты æфсæддонты бинонтæн дæр. Центр байгом кæныны кадджын мадзалы ма машинæйæ дæгъæлтæ радтой сæрмагонд æфсæддон операцийы зонæйы ветеран Валерий Васильевæн. Машинæ сæрмагондæй арæзт у, уæззау цæфтæ чи фæци, æмæ инвалид чи сси, ахæм хæстон цауты архайджытæн. Валерий Васильев куыд загъта, афтæмæй йын ахæм лæвар у стыр æххуыс йæ царды.