Ацы закъоны проектыл бæстонæй ныхас цыди Хицауады æмбырды
Паддзахадон хицаудзинады оргæнтæ финансон æххуыс кæндзысты муниципалон скондты Советæн, уыимæ республикæйы бюджеты фæрæзтæй субсидиты хуызы дæр. Ацы закъоны проектыл бæстонæй ныхас цыди Хицауады æмбырды. Премьер Дзанайты Барис куыд фæнысан кодта, афтæмæй ахæм æххуысы фæрцы фæахадгæдæр уыдзæни Советы архайд. Æмбырды снысан кодтой республикæйы цæрджыты финансон зонындзинæдты æмæ финансон дисциплинæйы регионалон программæ 2030-æм азы онг. Ног стратегийы стыр æргом здæхт æрцыди хистæр кары адæммæ. Проект æххæстгонд куы æрцæуа, уæд фæзындзæн бирæ къабæзтыл. Се хсæн информацион-рухстауæн, ахуырадон, бизнесимæ æмгуыстад, кадртæ цæттæ кæнын. Хицауады уæнгтæ æрдзырдтой «Горæты æнцонвадат архайды» паддзахадон программæ царды куыд цæуы, ууыл. Иннæ аз фæнд кæнынц 36 æхсæнадон территоримæ базилын. Ацы куыстытæн федералон æмæ республикон бюджеттæй дихгонд æрцæудзæн 192 милуан сомы.
