Валерий хæсты архайдта йæ фыццаг бонæй фæстæмæ. Радон æфсæддон хæс æххæстгæнгæйæ фæци уæззау цæф
Дзæуджыхъæуы машинæйы дæгъæлтæ радтой сæрмагонд æфсæддон операцийы ветеран Валерий Васильевæн. Валерий хæсты архайдта йæ фыццаг бонæй фæстæмæ. Радон æфсæддон хæс æххæстгæнгæйæ фæци уæззау цæф. «Лада-Гранта» арæзт у, йе *нæниздзинад хъыгдард кæмæн у, ахæм адæмæн. Иннæ сæрмагонд æфсæддон операцийы ветерантæй Валерий се *ппæтæй раздæр сси машинæйы хицау. Райста йæ «Фыдыбæстæ хъахъхъæнджыты» фонды æххуысæй. Чехойты Фатимæйæн ныхасы бар.
Сæрмагонд æфсæддон опрерацийы ветеран Валерий Васильев йе *рыгон бонтæй фæстæмæ скъæры машинæ. Уыцы уарзондзинад йæ зæрдæйы нæ фæмынæг уæззау цæфы фæстæ дæр. Æфсæддон хæстæй иу æххæстгæнгæйæ йæ машинæ бацыд рæмудзæн æрмæгыл. Хъыгдард хуылфы дзаумæттæ æмæ саст астæуы хъæд уыдысты срæмыгъды фæстиуджытæ. Рязаны уæлдæфон-десантон училищæйы рауагъдон сæрмагонд æфсæддон операцийы архайдта йæ фыццаг бонæй. Ныр ын иннæ ветерантæй раздæр лæвæрд æрцыдысты машинæйы дæгъæлтæ. Валерийы ныхæстæм гæсгæ, ацы лæвар ын зынгæ фенцондæр кæндзæн йæ цард.
Сæрмагонд æфсæддон операцийы ветерантыл хъуыды кæнгæйæ, Уæрæсейы райдыдтой уадзын, уыдонæн æнцондæр скъæрын чи уа, ахæм машинæтæ. Инвалид адæмæн архайынæн сты рогдæр. Валерий Васильевы ныхæстæм гæсгæ, машинæйы ма цы хъæуа баивын, ууыл дарддæр йæхæдæг бакусдзæн йæхи домæнтæм гæсгæ.
Валерий фидæнмæ фæнд кæны бацæуын паддзахадон куыстуатмæ æмæ дарддæр пайда хæссын æхсæнадæн. Алывæрсыг æххуыс æнкъары фонд «Фыдыбæстæ хъахъхъæнджыты» фонды регионалон хайады минæвæрттæй. Уыдон ныридæгæн Валерийæн ссардтой, ветеранæн йе *нæниздзинадмæ гæсгæ бæзгæ, цалдæр куысты бынаты.
Фонд «Фыдыбæстæ хъахъхъæнджыты» регионалон хайады куыд фехъусын кодтой, уымæ гæсгæ Уæрæсейы сæрмагонд æфсæддон операцийы 80 ветеранæй фылдæр райстой машинæйы дæгъæлтæ. 2025 азмæ ма ахæм лæвары аккаг суыдзысты 500 адæймаджы.
