Конкурс арæзт æрцыди республикæйы национ политикæйы æмæ æддагон бастдзинæдты министрады хъæппæрисæй
Национ наукон библиотекæйы ацыд æрвылазон конкурс «Национ политикæ дзыллон информацион фæрæзты» уæлахиздзауты хорзæх кæныны кадджын мадзал.
Конкурс арæзт æрцыди республикæйы национ политикæйы æмæ æддагон бастдзинæдты министрады хъæппæрисæй. Архайдтой дзы æппæт информацион фæрæзты минæвæрттæ. Сæ алывæрсыг куыстытæ баст уыдысты, адæмты хсæн кæрæдзийы æмбарынадимæ, ныхмæлæуддзинæдты профилактикæимæ æмæ нациты хсæн хæлар ахастдзинæдтимæ. Уæлахиздзауты хсæн не мкусджытæ дæр — ПТРК-«Алани»-йы радиохъусынады журналисттæ. Сæ куыст баст у, ацы аз республикæ цы æртæ историон цауы сбæрæг кодта, уыдонимæ, ныхас дзы цæуы Цæгат Ирыстоны историйы ирддæр сыфтыл.
