81 азы размæ 19-æм декабры 1943-æм азы, немыцаг оккупанттæй цы территоритæ суæгъд, уым бындур æвæрд æрцыд 9 сæрмагонд ахуыргæнæндонæн
Цæгат Ирыстоны сбæрæг кодтой суворовон æфсæддон æмæ Нахимовы æфсæддон-денджызон училищæты бон. 81 азы размæ 19-æм декабры 1943-æм азы, немыцаг оккупанттæй цы территоритæ суæгъд, уым бындур æвæрд æрцыд 9 сæрмагонд ахуыргæнæндонæн. Уыдонæй иу у Цæгат Ирыстоны суворовон æфсæддон училищæ. Уый фæдыл Дзæуджыхъæуы арæзт æрцыд кадджын мадзал. Архайдтой дзы æфсæддонтæ, училищæйы ахуыргæнджытæ æмæ суворовонтæ. Ахуыргæнджытæн æмæ хуыздæр зонындзинæдтæ чи *вдисы, училищæйы уыцы хъомылгæнинæгтæн лæвæрд æрцыдысты Кады гæххæттытæ æмæ майдантæ. Суворовонтæ бацæттæ кодтой концертон программæ. Фидæны æфсæддонтæй сфæлдыстадмæ æмхиц чи у, уыдон адæмы размæ раргом кодтой сæ курдиат.
