Уæрæсейы Президенты Указмæ гæсгæ, лæгдзинад кæй равдыстой, уый тыххæй æфсæддонтæ сæ амæлæты фæстæ хорзæхджынгонд æрцыдысты Лæгдзинады ордентæй
Цæгат Ирыстоны Сæргълæууæг Сергей Меняйло паддзахадон хæрзиуджытæ радта, сæрмагонд æфсæддон операцийы зонæйы йе фсæддон хæс æххæст кæнгæйæ чи фæмард, уыцы хъæбатырты бинонтæн. Уæрæсейы Президенты Указмæ гæсгæ, лæгдзинад кæй равдыстой, уый тыххæй æфсæддонтæ сæ амæлæты фæстæ хорзæхджынгонд æрцыдысты Лæгдзинады ордентæй. Регионы разамонæг сæ бинонтæн ракодта тæфæрфæс, æмæ загъта, республикæ сын дарддæр дæр алывæрсыг æххуыс кæй кæндзæн, уый. Кадджын мадзалы архайдтой Уæрæсейы гвардийы Дзæуджыхъæуккаг сконды командæгæнæг Роман Трубин, æфсæддон комиссар Владимир Скоморох, фæллойы æмæ социалон рæзты министры хæстæ рæстæгмæ æххæстгæнæг Маматы Анджелæ, стæй «Фыдыбæстæ хъахъхъæнджыты» паддзахадон фонды республикон филиалы разамонæг Хетæгкаты Маринæ.
