Уый тыххæй аппаратон æмбырды фехъусын кодта хицауады вице-премьер Томайты Ирбег
Цæгат Ирыстоны фæндæгтыл Уæллаг Ларсы арæны сæрты ацæуыны бармæ æнхъæлмæ кæсынц 250 уæзласæн машинæйы. Уыдонæн сæ фылдæр, бæлвырддæр та 230 уæзласæны, лæууынц сæрмагонд бынæтты. Уый тыххæй аппаратон æмбырды фехъусын кодта хицауады вице-премьер Томайты Ирбег. Йæ фиппаинагмæ гæсгæ, ивгъуыд къуыри арæны сæрты ахызтысты 20 мин машинæйы æмæ 51 мин адæймаджы. Фæндаггон уавæрыл дзургæйæ, Томайты Ирбег радзырда, ивгъуыд къуыри республикæйы фæндæгтыл 92 фыдбылызы кæй æрцыд уый тыххæй. Бæрæгбæтты Цæгат Ирыстоны æрцыд 17 зынгсирвæзты, хъыгдард ничи баййæфта. Цæгат Ирыстоны эпидемиологон уавæр зæрдæхсаинаг нæу. Орвийæ рынчынты нымæц зынгæ фæкъаддæр. Хицауады сæрдар Дзанайты Барис профилон комитетæн бабар кодта цæмæй цæст дара республикæйы фæндаггон инфраструктурæмæ. Йæ фиппаинагмæ гæсгæ цалдæр боны размæ боныхъæд аивта æмæ фæндæгтæ уыдысты бырынцъаг. Уымæй тыхстысты куыд шофыртæ, афтæ фистæгæйцæуджытæ дæр.
