14 января 2025, 10:52
427 километры сыгъдæггонд былгæрæттæ, 57 мин волонтеры æмæ 80 зиуы
Ахæмтæ сты æппæтуæрæсеон акци «Уæрæсейы дон»-ы хатдзæгтæ Цæгат Ирыстоны 2024-æм азы
427 километры сыгъдæггонд былгæрæттæ, 57 мин волонтеры æмæ 80 зиуы. Ахæмтæ сты æппæтуæрæсеон акци «Уæрæсейы дон»-ы хатдзæгтæ Цæгат Ирыстоны 2024-æм азы. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Ацы аз регион дарддæр архайдзæн проекты. Мадзæлттæ нысангонд сты Дзæуджыхъæуы æмæ районты. Бацархайын сæ у алкæйы бон дæр. Æрдзон æвæрæнты æмæ экологийы министрады специалисттæ волонтерты сæххæст кæндзысты æппæт хъæугæ ифтонггæрзтæй. Куыстытæ æххæстгонд цæуынц национ проект «Экологи»-мæ гæсгæ. Экологийы темæ Цæгат Ирыстоны цæрджытæн ахсджиаг у. Азæй-азмæ акцийы архайджыты нымæц кæны фылдæр.
темæмæ гæсгæ
