Акцийы архайдтой фæкæсынхъуаг æмæ бирæсывæллонджын бинонтæй кæстæртæ, сæрмагонд æфсæддон операцийы архайджыты сабитæ, стæй, йе нæниздзинад хъыгдард кæмæн у, уыдон
Æхсæнадон æххуысы штабы ссыгъдысты «Бæллицты заз бæласы» цырæгътæ. Акцийы архайдтой фæкæсынхъуаг æмæ бирæсывæллонджын бинонтæй кæстæртæ, сæрмагонд æфсæддон операцийы архайджыты сабитæ, стæй, йе нæниздзинад хъыгдард кæмæн у, уыдон. Заз бæласы бын сæм æнхъæлмæ кастысты, кæмæ бæллыдысты, уыцы лæвæрттæ: электромобиль, рухсдæттæн стъол сфæлдыстадæн, проектор, яндекс-станцæ æмæ бирæ нæдæр æхсызгондзинæдтæ. Сывæллæтты бæллицтæ сæххæст кодтой парти «Иугонд Уæрæсе»-йы минæвæрттæ. Акци «Бæллицты заз бæлас» арæзт цæуы алы аз дæр, 2018-æм азæй фæстæмæ нæ бæстæйы алы регионты. Баиу кæны, хорз хъуыддæгтæ кæнын кæй фæнды, уыцы адæмы. Сабиты бæллицтæ та сæххæст кæнынц мингай зæрдæхæлар адæм: федералон, регионалон æмæ муниципалон хицаудзинады оргæнты минæвæрттæ, депутаттæ, æхсæнадон кусджытæ, амалхъом адæм.
