«Мамысон» канд хæххон къахдзоныгътыл курорт нæ уыдзæн, фæлæ ма афæдзы дæргъы чи кусдзæн, ахæм фæлладуадзæн æмæ сфæлдыстадон фæз дæр
Цæгат Ирыстоны сæйраг туристон проект ацы мæй цæттæ кæны байгом кæнынмæ. Уый тыххæй йæ телеграм каналы фехъусын кодта республикæйы Сæргълæууæг Сергей Меняйло. «Мамысон» канд хæххон къахдзоныгътыл курорт нæ уыдзæн, фæлæ ма афæдзы дæргъы чи кусдзæн, ахæм фæлладуадзæн æмæ сфæлдыстадон фæз дæр. Уæрæсейы экономикон рæзты министры хæдивæг Сергей Назаровимæ æмбырды ныхас цыд арæзтады кæронбæттæн мадзæлттыл. Сæйраг бæндæнæй фæндаг уазджыты хæрдмæ исдзæн 2950 метры бæрзæндмæ. Дыккаг фæндагыл дæр куыстытæ кæронмæ фæвæййынц. Ныридæгæн æвæрд æрцыдысты фыццаг объекттæ цæрынæн – «зондджын» модулон хæдзæрттæ æмæ классикон коттеджтæ. Байгом дзы уыдзæн ресторан.
