Ацы хъуыддаг æххæстгонд цæуы цæрæн фонды бындурон цалцæджы регионалон программæмæ гæсгæ
Республикæйы бирæфæтерон хæдзæртты ивынц лифтытæ. Ацы хъуыддаг æххæстгонд цæуы цæрæн фонды бындурон цалцæджы регионалон программæмæ гæсгæ. 102 лифты сæвæрдзысты горæты 34 хæдзары. Æдæппæтæй 2018-æм азæй фæстæмæ республикæйы баивтой 334 лифты. Бæлвырддæр радзурдзæн Хъайтмазты Дзерассæ.
Бацæуæны ацы цалцæггæнæн куыстытæ цæрджыты нæ тыхсын кæнынц. Дæсгай азты фæстæ хæдзары фыццаг хатт ивынц лифт. Рæстæгмæ бабыхсын хъæуы Барбашовы уынджы, 43-æм хæдзары цæрджыты. Ам дæр уыдзæн ног лифтытæ. Ахæмтæ ма райдыдтой æвæрын Весеннийы уынджы 19-æм хæдзары дæр. Лифтытæ дзуапп дæттынц нырыккон домæнтæн. Специалисттæ куыд зæгъынц, афтæмæй фæлæггад кæндзысты 25 азы.
Республикæйы райдыдтой лифты ифтонггæрзтæ къæпхæнгай æвæрын. Ивд цæуынц цæрæн фонды бындурон цалцæджы регионалон программæмæ гæсгæ. 102 лифты сæвæрдзысты горæты 34 хæдзары. Специалистты ныхæстæм гæсгæ, æппæт куыстытæ фæуын фæнд кæнынц ацы аз сентябры.
Лифтытæ æвæрынц Таможняйы цæдисы техникон регламенты домæнтæм сæ æркæныны нысанимæ. Фыццаджыдæр ивынц, адæмæн æдас цы лифтытæ не сты, уыдон. Инвентаризацийы хатдзæгтæм гæсгæ ма баивын хъæуы 60 лифты.
2018-æм азæй фæстæмæ республикæйы баивтой 334 лифты. Ацы куыст æххæстгонд цæудзæн дарддæр.
