Специалисттæ бæрæг кæнынц медицинон æмæ ахуырадон куыстуæттæ, стæй социалон центртæ
Нæ бæстæйы 89 субъекты цæуы Æппæтуæрæсеон инспекци. Афтæмæй бæрæг кæнынц куысты ахадындзинад, оперативон æмæ стратегион уынаффæтæ. Цæгат Ирыстоны инспекци цæуы æртæ боны. Специалисттæ бæрæг кæнынц медицинон æмæ ахуырадон куыстуæттæ, стæй социалон центртæ. Мониторинджы хатдзæгтæм гæсгæ алы регион дæр райсдзæн бæлвырд амынддзинæдтæ. Хъайтмазты Дзерассæ радзурдзæн бæлвырддæр.
Дурынгæнджыты къорд, театралон æмæ музыкалон студитæ, хуыйæн цех. Сывæллæтты хæдзар-интернат «Ласка»-йы ис æппæт уавæртæ, йе нæниздзинад хъыгдард кæмæн у, уыцы сывæллæтты социализацийæн. Уæрæсейы Федерацийы Президенты цур æххæстбартджын минæвары уынаффæгæнæг сывæллæтты барты фæдыл Заира Нухрадинова æппæтуæрæсеон инспекци æххæстгæнгæйæ бабæрæг кодта кусæнуат. Ныртæккæ «Ласка»-йы ис 69 сывæллоны. Республикон хæдзар-интернаты директор Самты Аринæ куыд зæгъы, афтæмæй сывæллæттæн æнцон архайын нæу, фæлæ фæлварынц.
Социалон сидзæрдзинады профилактикæйы системæйы мониторингы нысан у бацархайын бинонтæ бахъахъхъæныны практикæты райрæзтыл, стæй стационарон кусæнуатты цæмæй къаддæр сывæллæттæ уа, ууыл.
Заира Нухрадинова ма бабæрæг кодта æнæхъом сывæллæтты социалон реабилитацийы центр «Хæлар зæрдæ». Ам царды зын уавæры чи бахауд, уыцы сывæллæттæ цæуынц психологон æмæ физикон реаблитаци. Кусæнуат ма рамбылдта грант. Йæ фæрцы байгом уыдзæн ног социалон сервис. Кризисты хайад аив кæныны куыстытæ кæронмæ фæвæййынц. Ам, бинонты *хсæн æфхæрд чи баййæфта, уыцы сылгоймæгтæн сывæллæттимæ уыдзæн, рæстæгмæ цæрыны фадат. Уый тыххæй радзырдтой уынаффæгæнæгæн. Цæгат Ирыстоны инспекци цæуы 3 боны. Специалисттæ бæрæг кæнынц медицинон, социалон, ахуырадон кусæнуаттæ æмæ социалон центртæ республикæйы алы районты.
Æппæтуæрæсеон инспекци цæуы бæстæйы 89 субъекты, аргъ кæнынц цы мадзæлттæ арæзт цæуынц, уыдоны ахадындзинадæн. Мониторингы хатдзæгтæм гæсгæ алы регион дæр райсдзæн амынддзинæдтæ.
