Ахæм бæрæггæнæнтыл æрныхас кодтой, Парламенты цы æмбырд арæзт æрцыд, уым
Ивгъуыд аз Цæгат Ирыстоны бирæвæрсыг центртæ республикæйы цæрджытæн сæххæст кодтой 426 мин лæггады бæрц. Уый, 2023-æм азимæ абаргæйæ, у 22 мины фылдæр. Ахæм бæрæггæнæнтыл æрныхас кодтой, Парламенты цы æмбырд арæзт æрцыд, уым. Дзырдтой, центры риссаг фарстаты æмæ райрæзты тыххæй. Республикæйы бирæвæрсыг центрты директор Цуциты Иннæйы ныхæстæм гæсгæ, Цæгат Ирыстоны кусы 11 филиалы, 64 территориалон структурон дæлхайады æмæ иу, чысыл бизнесимæ чи кусы, ахæм. Лæггад кæны 208 рудзынджы, се *ппæт дæр æххæст сты æхца фидыны терминалтæй. Афæдзы райдианæй фæфылдæр паддзахадон æмæ муниципалон лæггæдты бæрц дæр. Ныр сты 390. Æмбырды архайджытæ куыд загътой, афтæмæй Цæгат Ирыстон ис, бирæвæрсыг центрты куысты бæрзонд ахадындзинад нысангонд кæм æрцыд, уыцы регионты къорды. Ныхас ма цыд, бинонты бирæвæрсыг центрыл дæр. Фыццаг профилон центр байгом 2023-æм азы декабры. Уыцы рæстæгмæ балæггад кодта 1 мин 500 адæймагæй фылдæрæн. Специалисттæ кæнынц комплексон социалон æххуыс.
