филиал вгтрк государственная телерадиовещательная компания “Алания”

Цæгат Кавказы суворовон æфсæддон училищæйы ацыд гом дуæртты бон. Фидæны курсанттæн æмæ сæ ныййарджытæн ахуыргæнæндоныл скодтой экскурси. Ахуыргæнджытæ уазджытæн равдыстой училищæйы музей, кабинеттæ æмæ спортивон кълæстæ. Бæстонæй сын радзырдтой ахуырадон программæйы, ахуырмæ бацæуыны фæткы, ахуыргæнæндоны историйы æмæ йæ хъæбатыр рауагъдонты тыххæй. Ацы аз училищæ 5-æм къласмæ райсдзæн 80 адæймаджы. Конкурс – иу бынатмæ 5 адæймаджы, азæй-азмæ ардæм æрбацæуын кæй фæнды, уыдоны нымæц кæны фылдæр. Училищæйы разамынд куыд зæгъы, афтæмæй ам нымад цæуынц фæсивæдæн се спортивон æмæ психологон цæттæдзинад, стæй райгуырæн бæстæ хъахъхъæнынмæ зæрдиагæй цæттæ сты, æви нæ, уый.