Фенынмæ йæм чи *рбацæуа, уыцы адæм банкъардзысты не *гæрон Райгуырæн зæххы рæсугъддзинад
Абон Мæскуыйы Национ центр «Россия»-йы байгом уыдзæн равдыст «Путешествие по России». Фенынмæ йæм чи *рбацæуа, уыцы адæм банкъардзысты не *гæрон Райгуырæн зæххы рæсугъддзинад. Равдысты фæз дихгонд у 8 тематикон хайыл. Уыдонæй алкæцыдæр дзуры Уæрæсейы федералон зылдты хæзнатыл. Цæгат Ирыстон æвдыст цæуы куыд Цæгат Кавказы федералон зылды хай. Алæмæты рæсугъд хæххон пейзажтæ, æрдзы æмæ культурæйы уникалон хъæздыгдзинæдтæ – адæм фендзысты нæ республикæйы рæсугъддæр бынæттæ æмæ æрмдæсныты куыстытæ, базонгæ уыдзысты ирон адæмы традицитимæ. Равдысты радзурдзысты дыргъдæттæм зилыны ног технологиты тыххæй, Кавказы хъæууон хæдзарады нысаниуæджы тыххæй бæстæйы экономикæйы рæзты æмæ аграрон къабазы роботтæй пайда кæныны тыххæй. Уазджытæ базондзысты, Уæрæсейы хуссар хайы стырдæр фæткъуыты дæргъдон 1 мин æмæ *рдæг гектары фæзуат чи ахсы, уый Цæгат Ирыстоны кæй ис, уый. Равдыст саразджытæ Дзæуджыхъæуы аэропорт бахастой Уæрæсейы 5 аэропортты хыгъдмæ, йæ уникалон архитектурон арæзтмæ гæсгæ. Проект равдисдзæн бирæнацион Уæрæсейы регионты æнтыстдзинæдтæ, культурæйы, æрдзы æмæ экономикæйы хъæздыгдзинæдтæ.
